Грижата за здравјето на срцето е еден од најважните чекори за долг живот.
Знаеме дека за здраво срце треба да не пушиме цигари, да го намалиме внесувањето црвено месо и да правиме аеробни вежби, но има и други работи што можеме да ги направиме.
На пример, маслото е најчесто користена состојка за готвење, но има некои видови кои се всушност штетни за срцето ако не внимаваме.
Според нутриционистката Крутика Нанавати, трите најлоши видови на масло се палминото, кокосовото и пченкарното масло. Зошто? Дознајте подолу.
Палмино масло
Заситените масти се многу лоши за здравјето, а ги има во палминото масло.
„Пламиното масло е богато со заситени масти, што може да придонесе за повисоки нивоа на LDL холестерол (лош холестерол) во нашите тела“, објасни Нанавати.
Кокосово масло
Кокосовото масло може да направи чуда за вашата коса, но Нанавати вели дека не гответе со него, особено ако водите сметка за срцевото здравје.
„Иако кокосовото масло е пофалено за неговите здравствени придобивки, важно е да се напомене дека содржи висок процент на заситени масти - речиси 82 проценти. Истражувањата покажаа дека прекумерната потрошувачка на такви масти може да го зголеми ризикот од коронарна срцева болест со зголемување нивото на холестерол во крвта“, рече таа.
Пченкарно масло
Маслото од пченка е уште една популарна опција што треба да се избегнува.
„Пченкарното масло е богато со омега-6 масни киселини, кои не треба да се претерува со негова употреба бидејќи можат да предизвикаат воспаление во организмот и да го нарушат односот на омега-6 и омега-3 киселините. Се верува дека оваа нерамнотежа, со доминација на омега-6 масни киселини, придонесуваат за болести на срцето Иако омега-6 масните киселини не се инхерентно лоши, модерната западна исхрана има тенденција да вклучува премногу од овие масти и премалку омега-3 масни киселини, создавајќи нездрава рамнотежа“, заклучи нутриционистката.