Метаболизмот е процес со кој нашето тело ги претвора храната и пијалаците што ги консумираме во енергија.
За време на овој процес, калориите во храната и пијалоците се мешаат со кислород за да се создаде енергијата што му е потребна на телото, па дури и во мирување му е потребна енергија.
Според WebMD, има одредени работи кои докажано го забавуваат нашиот метаболизам, а некои од нив ги правиме секој ден. И тоа сосема несвесно.
Како што покажаа бројни претходни студии, физичката активност има многу големо влијание врз брзината на нашиот метаболизам. Редовното вежбање, како и градењето мускулна маса, може да го поттикне метаболизмот и да ја зголеми потрошувачката на калории кога ќе завршиме со одредена активност, а недостатокот на физичка активност во повеќето случаи резултира со забавен метаболизам.
Како слабееме е многу важно кога се обидуваме да изгубиме тежина. Ако не јадеме доволно, нашиот метаболизам се забавува, предупредуваат диететичарите, а строгите диети, особено ако вежбаме заедно со нив, го „учат“ нашето тело како да се задоволи со помалку калории отколку што треба. Тоа може да предизвика контраефект бидејќи во тој случај нашето тело уште посилно се врзува за овие калории, што дополнително го успорува метаболизмот, но и нè спречува да ослабеме.
Храната што ја консумираме исто така има големо влијание врз состојбата на нашиот метаболизам. На пример, прекумерното внесување на рафиниран шеќер може да влијае на зголемувањето на телесната тежина и да го забави метаболизмот. Дополнително, слични последици има и кога станува збор за консумирање прекумерни количини на заситени масти од храната, како и за внесување на алкохолни пијалоци.
