Витаминот Б12 е есенцијален нутриент кој природно не се произведува во телото, туку мора да се внесе преку храна или додатоци во исхраната. Примарна улога на Б12 е создавање на црвени крвни клетки и ДНК.
Со оглед на тоа дека оваа хранлива состојка е неопходна за различни телесни функции, нејзиниот недостиг може да доведе до различни здравствени проблеми, вклучително и лошо орално здравје.
Ниското ниво на витаминот Б12 предизвикува орални проблеми кои посебно се однесуваат на јазикот. Тоа се случува затоа што недостигот на Б12 предизвикува намалување на производството на црвени крвни клетки што резултира со намален проток на кислород до јазикот.
Глоситис е воспаление на јазикот кое предизвикува отекување, црвенило и болка. Според WebMD, глоситис може да доведе до појава на ситни испакнувања на јазикот. Тешко воспаление на јазикот може да предизвика отекување и црвенило, како и болка која може да го промени начинот на кој јадете или зборувате.
Афтите исто така можат да бидат знак на недостиг на витамин Б12. Тоа се мали и болни ранички во устата. Обично исчезнуваат сами од себе, но може да помогне ако избегнувате оцет, цитруси и лути зачини.
Уште еден симптом на недостиг на витамин Б12 е отечен и дебел јазик како и чувството на печење, како и промени на бојата на јазикот.
Освен промени на јазикот, други симптоми на недостиг на витамин Б12 се умор, главоболка, вртоглавици, бледило, проблеми со концентрација, гастроинтестинални проблеми и слично.