Детето до првата година од животот има потреба за постојано присуство на неговите родители, но и за нови искуства. Кои се најчестите родителски заблуди?
1. Мајките веднаш се вљубуваат во нивното дете
Воопшто не е така. На почетокот мајката се чувствува збунето, особено ако станува збор за прво дете. Се случува бебето да не изгледа како што сте го замислувале, па е потребно време за родителите да сфатат дека е тоа нивно дете и да го засакаат. Мајките се често шокирани од фактот дека не наоѓаат веднаш доволно љубов за бебето, поради што често ги прогонува чувство на вина кое не сакаат да си го признаат.
2. Татковците треба да знаат да го смират детето исто како мајките
За жал, не знаат. Тие себе си не се сметаат како полноправни учесници во тоа, туку како одлични помошници. Мајките чесно не се подготвени да им понудат решение како да го хранат бебето, да го облекуваат и да го подготвуваат за спиење. Критериумот за правилно родителство се огледува во нивната способност сами да пронајдат своја метода.
3. Бебињата не разбираат што им зборувате, па не треба да им ги објаснувате постапките
Психолозите се согласуваат дека децата чувствуваат потреба да се упатени во промените кои се случуваат во семејството. Подобро е да ги запознаете децата со сите настани во домот. Истражувањата покажуваат дека децата побрзо и полесно научиле да зборуваат ако со нив родителите во првата година разговарале како со возрасен.
