Сексот секогаш треба да е забавен, без разлика дали е „нешто ново“ или сте со истиот партнер со години.
Можеби креативноста кај жената се разгорува кога има секс со истиот маж долго време. Можеби едноставно секогаш имала бујна сексуална фантазија, а сега „избива“ на површина.
Секс-терапевтката Лора Оутс вели дека сексуалните фантазии се многу здрави за вас и нагласува дека тие не исчезнуваат кога ќе влезете во долга врска. Напротив, се покажуваат како здрав елемент и за врската.
Од нејзината долгогодишна работа со поединци и двојки, таа ги издвојува овие пет најчести сексуални фантазии кај жените во врска.
Губење контрола
Наречете го ова ефектот „Педесет нијанси сиво“, но многу жени сакаат да му ја препуштат контролата на мажот во сексуалната игра. Оутс вели дека ова се покажало како честа фатазија кај жените уште пред да се појави популарниот серијал книги и филмови. Ако сте расположени за врзување и ставање превез на очите, не грижете се, вие сте во друштво на милиони жени!
Секс на невообичаено место
Уживањето во спалната соба е сосема океј, но жените понекогаш сонуваат да имаат секс на необични места. Високо на списокот на посакувани локации е сексот во хотелска соба со поглед кон океанот, секс на плажа, секс на кујнската работна маса или сензуално истражување на телото на партнерот во када или под туш.
Секс со странец
И кога се во врска, жените фантазираат за секс со убав странец, односно за жешки секс-игри без обврските и притисокот на секојдневниот живот. Споделете ги вашите желби со вашиот партнер, а потоа препуштете се на ова примамливо сценарио - заедно. Играјте странци кои само што се сретнале на шанк, а потоа изнајмуваат соба во хотел.
Играње улоги
Без разлика дали фантазирате за маж во униформа, секси професор, безобразен доктор или тренер во теретана кој го бара максимумот од вас, играњето улоги во сексуалната игра е здрав начин да ги изразите вашите фантазии, се разбира сѐ додека тоа ви се допаѓа и на двајцата, вели Оутс.
Секс на јавно место
Дури 60 проценти од жените во врска фантазираат за секс на јавно место, открива Оутс. Дали е опасноста да бидете „фатени“ на дело, потрагата по возбуда или едноставно желба да се излезе од рутината, оваа сексуална фантазија котира највисоко на листата кај жените во врска.
