Серхио Рамос е главната увезда која ќе го пропушти Европското првенство, но има уште многу други одлични фудбалери кои не се најдоа на списоците на нивните селектори.
Иако УЕФА дозволи 26 наместо 23 фудбалери да бидат пријавени, за овие играчи немаше место ниту на тој продолжен список. Не ги сметаме играчите кои се повредени, како Златан Ибрахимовиќ, и поради тоа не се опција за своите селектори, туку само оние кои можат да играат, но не се повикани.
Најскапиот голман на сите времиња нема да биде ниту резерва кај Шпанија. Очекувано, со оглед на тоа што е резерва и во својот клуб Челси.
Само што потпиша за минхенски Баерн за 42,5 милиони евра, важи за еден од најнадежните централни бекови, но за Дидје Дешан тоа не е доволно. Упамекано наместо на ЕУРО настапи на континенталниот собир за играчи до 21 година.
Капитенот на Реал Мадрид се мачеше со повреди годинава, едвај заигра, па селекторот Луис Енрике одлучи дека не е подготвен за настап на турнирот.
Холанѓанецот брилјираше сезонава во дефанзивата кај Лил, одигра огромна улога во освојувањето на титулата на сметка на ПСЖ, но за Франк де Бур очигледно тоа и не е некакво достигнување.
Уште еден во немилост на Де Бур. Десниот бек на Аталанта одигра нова одлична сезона, но имаше повреда при крајот после која не е во препознатливата форма. Де Бур одлучи да не ризикува.
Најмладиот стрелец за Франција во последните 107 години, 18-годишниот Камавинга, ќе го гледа ЕУРО на ТВ. Така одлучи Дешан.
Роберто Манчини направи репрезентативец од Тонали уште во 2018, пред овој да дебитира во Серија А. Но, Тонали не се снајде во Милан, па оттаму изостана и патувањето на континенталниот собир.
Левиот латерален бек е во фантастична форма за Милан, но тоа не е доволно за францускиот селектот. Неговиот сонародник Ајмерик Лапорт одлучи да ја откачи Франција и да настапува за Шпанија, токму поради игнорирањето од Дешан, а Тео сега веројатно жали што не ги следеше неговите стапки.
Иако ПСЖ му понуди нов договор, Дракслер сезонава само 18 пати беше стартер, што е доволна причина за него да нема место во германскиот состав.
Сите ги изненади изоставувањето на напаѓачот на ПСЖ, во составеност на Евертон, од италијанскиот список. Манчини смета дека покрај Белоти и Имобиле не му е потребен брзоногиот натурализиран Италијанец.
Лошата форма го чинеше Марко Асенсио место во шпанскиот чартер за ЕУРО. Човекот кој во 2018 година одигра дури 12 натпревари за репрезентацијата, сега ќе ги бодри репрезентативните колеги крај малите екрани.
