Сите четворица полицајци кои биле вмешани во апсењето и убиството на Афроамериканецот Џорџ Флојд во Минеаполис, се сочуваат со обвиненија, откако претходно беа отпуштени од должност.
Државниот обвинител на Минесота, Кит Елисон, соопшти дека обвинението против Дерек Шовен е проширено од убиство од трет степен на убиство од втор степен, бидејќи тој е идентификуван како полицаецот кој со колено го притискал Флојд на вратот и го задушил, што предизвикало срцев застој и подоцна смрт. Ова значи дека претходно случајот се водеше како убиство од небрежност, а сега е убиство без умисла.
Останатите тројца полицајци кои учествуваа во апсењето на Флојд, кој не пружал отпор и не бил вооружен, се товарат за помагање и поттикнување на убиство од втор степен. Нивните постапки се заведени во обвинението како „ненамерни“.
Поранешните полицајци Тоу Тау, Џеј Александер Кенг и Томас Лејн се приведени.
За Шовен се знае дека имал претходна историја на насилство. До завршувањето на неговата полициска служба против него се поднесени 18 жалби кои ги разгледува Секторот за внатрешна контрола. Два случаи за употреба на навредлив тон и пцости се завршени со укор.
Лејн доаѓа од полициско семејство, дедо му бил детектив. За него и за Куенг немало поплаки за прекумерна употреба на сила или недолично однесување. Нивните семејства не сакаат да ги коментираат настаните.
Тао претходно бил вмешан во случај на полициска бруталност и со спогодба се извлекол од обвинение за нанесување тешки телесни повреди и апсење без налог.