Легендарната пејачка Тина Тарнер почина на 84-годишна возраст по долго боледување. Тарнер имаше неколку дијагнози, од кои едната е карцином на тенкото црево. Според Центарот за карцином, ракот на тенкото црево обично започнува во мукозата на тенкото црево и може да се прошири од дигестивниот систем во други делови на телото. Повеќето случаи на карцином на дебелото црево се развиваат во горниот дел од тенкото црево.
Статистиката покажува дека ризикот од карцином на тенкото црево е малку поголем кај мажите отколку кај жените, а скоро една третина од сите случаи се дијагностицирани кај пациенти над 65 години.
Лекарите предупредуваат дека голем број на пациенти не реагираат на симптоми навреме, што дополнително го отежнува дијагностицирањето и третманот.
Туморите во тенкото црево можат да го блокираат протокот на храна и да влијаат на варењето. Бидејќи туморот станува поголем, блокадите можат да предизвикаат болка во стомакот, гадење и повраќање. Исто така, туморот кој бавно крвари може да доведе до анемија.
Симптомите на карцином на тенкото црево честопати се нејасни и болеста е тешко да се дијагностицира. Малите тумори во рана фаза може да не предизвикаат видливи симптоми сè додека не се прошири карциномот, што го отежнува раното откривање.
Вообичаените симптоми на рак на тенкото црево вклучуваат:
- болки во стомакот
- ненамерно слабеење
- слабост или замор
- крв во столицата
- абдоминален оток.
