Германскиот фудбалер Карим Адејеми е првата цел на Борусија Дортмунд во следниот летен преоден рок, а во клубот треба да дојде како замена за Ерлинг Холанд, кој најверојатно кариерата ќе ја продолжи во друг клуб, пренесува Фабрицио Романо.
Тој наведува дека Дортмунд ги договорил сите лични услови со овој млад напаѓач, но дека сè уште не постигнале договор со Салцбург, односно дека договорот не е целосно јасен.
Романо додава дека разговорите меѓу двата тима сè уште траат и дека има големи шанси на крајот да се случи овој договор, односно Адејеми, исто како Холанд, по Салцбург кариерата да ја продолжи во овој германски тим.
Понатаму се додава дека ситуацијата околу овој играч ја следи РБ Лајпциг, но дека Дортмунд моментално е далеку понапред и дека имаат верба во овој клуб дека на крајот ќе се договорат со Салцбург.
Напаѓачот е роден на 18 јануари 2002 година во Минхен, а претходно играше за ТСВ Форстенрид, Баерн и СпВгг Унтерхахинг. Во Салцбург е од 2018 година, а играше како позајмица во Лиферинг.
За германската репрезентација дебитираше минатата година, а претходно настапуваше за сите помлади селекции.
