Претседателот на Лацио, Клаудио Лотито, ја намали цената што ја бараше за најдобриот играч во екипата – Сергеј Милинковиќ-Савиќ.
За српскиот репрезентативец Лотито во изминативе години бараше 120, па 100 милиони евра, но откако ниту еден клуб не сакаше да даде толку пари за играчот од средниот ред, тој одлучи значително да ја спушти цената.
Попустот за 25-годишниот Милинковиќ-Савиќ се должи и на кризата предизвикана од пандемијата со коронавирус.
ПСЖ неодамна понуди 60 милиони, но Лацио побара 80. „Светците“ сепак се подготвени за продолжување на преговорите, а се чини дека клубовите ќе се најдат „на пола пат“.
Calciomercato објави дека славниот С.М.С. сега може да се добие за „само“ 70 милиони евра.
Покрај ПСЖ, за услугите на Србинот заинтересирани се и Манчестер Јунајтед, Реал Мадрид и Челси.
