Неодамнешно истражување покажа дека самотниот живот посебно лошо влијае на мажите.
Студијата проучувала примероци од крв на 4.835 учесници од биобанка за стареење во Копенхаген, со цел да се испитаат причините за воспалителни процеси.
„Пронајдовме значителна поврзаност меѓу раскинувањето на врската или годините кои поединците ги минале сами и воспаленијата, но само кај мажите“, вели д-р Каролина Дејвидсен, истражувач соработник на Одделението за јавно здравје на Универзитетот во Копенхаген и авторка на публикацијата.
Жените се помалку загрозени. Студијата е објавена во BMJ, а ги проучува годините од животот и бројот на раскинувања бидејќи по раскинувањето на значајни врски луѓето минуваат извесен период сами.
„Врската меѓу чувството на осаменост и штетни влијанија по здравјето е добро документирано“, вели д-р Питер Либи, специјалист за кардиоваскуалрна медицина во Бригам, кој не бил вклучен во студијата.
Според професорот Елијаким Кислев од Хебрејскиот универзитет во Ерусалим, осаменоста на некои среќни самци може да се надомести со стекнување возбудливи искуства, како патувања или наоѓање ново хоби.