Правилната и урамнотежена исхрана влијае на целокупното здравје, а одредени намирници ја поддржуваат работата на имунитетот со своите хранливи материи, кои се неопходни за одбрана од разни болести.
Диететичарката Натали Ризо издвои неколку од најдобрите намирници кои треба често да ги јадеме, токму затоа што природно влијаат и ја поддржуваат работата на имунитетот.
Овошјето и зеленчукот се претежно на нејзината листа, но диететичарката ги издвои и намирниците како јајца и екстра девственото маслиново масло.
Храната што таа ја издвои е богата со витамини и други хранливи материи кои му помагаат на телото да се бори против инфекции, вируси и болести.
Подолу се дадени неколку од најдобрите намирници кои, според Рицо, треба често да ги додаваме во менито.
Според диететичарката, црвената пиперка е најдобриот зеленчук за зајакнување на имунитетот.
„Црвената пиперка е суперхрана богата со витамините Ц, А и Б, што значи дека има тројна моќ за зајакнување на имунитетот“, истакнува таа.
Додава дека црвените пиперки се одличен избор за оброк бидејќи може да се јадат сирови, варени или печени, што значи дека може да се комбинираат во различни јадења.
Портокалите се познати по тоа што се богати со витамин Ц, па не е изненадување што се наоѓаат на листата на намирници кои го зајакнуваат имунитетот. Сепак, диететичарката посочува дека при конзумирањето на портокалите треба да се има на ум една важна работа.
„Ова овошје е преполно со витамин Ц и други хранливи материи, но погрижете се да го јадете целосно, а не само како сок. Ќе внесете повеќе витамини во вашето тело ако го изедете портокалот, а не само да го исцедите“, вели Ризо.
Како уште една корисна храна, диететичарката ги издвои јајцата. Истакнува дека јајцата се одлична храна за природно зголемување на витаминот Д без изложување на сонце. Оние кои консумираат доволно витамин Д се разболуваат поретко, а јајцата содржат голема количина на овој витамин кој го зајакнува имунитетот, особено жолчките кои не смеете да ги избегнувате да ги јадете“, истакнува таа.
Маслиновото масло е централна состојка на медитеранската исхрана, позната и како најдобрата диета во светот.
Богато е со полинезаситени масни киселини, што го прави добар извор за секој кој внимава на холестерол или сака да се храни здраво за своето срце. Ризо додава дека јадењето маслиново масло помага и „да се спречи деменција и да се зајакне имунитетот“, пренесува New York Post.
„Спанаќот содржи витамини А и К, како и фолна киселина, железо, магнезиум и антиоксиданси кои го прават моќен зеленчук“, истакнува Ризо.
Таа тврди дека спанаќот треба да се јаде често, а може да се комбинира во појадок, салати, како прилог за време на ручекот или вечерата. Според диететичарката, спанаќот е „храна што треба да ја јадете неколку пати неделно“.
