Важно е соодветно да го подготвите вашето тело за секаков вид физичка активност, особено ако планирате да трчате повеќе од еден час. Одлучете се за храна што ќе ви ја обезбеди потребната енергија.
Земањето оброк зависи од тоа колку долго планирате да трчате. Ако сакате да трчате еден час или помалку, оброкот ќе зависи од вашите индивидуални потреби. Можеби нема да ви треба ништо дополнително, особено ако се храните здраво во текот на денот. Ако трчате повеќе од еден час, се препорачува да јадете оброк или ужинка. Ако трчате повеќе од час и половина, треба да направите пауза за да јадете за време на тренингот. Нивото на шеќер во вашето тело се намалува колку подолго трчате. Земете од 30 до 60 грама јаглехидрати во интервали од 15 до 20 минути.
Комбинацијата на едноставни и сложени јаглехидрати со протеини е идеална формула за зачувување на енергијата.
Обидете се со следниве оброци:
- сендвич направен од леб од цели зрна, мисиркино месо, зелена салата и сенф
- омлет од белки и тост
- овесна каша, јогурт и банана
- пилешко на скара и печени компири
Таа исто така мора да содржи умерено количество јаглехидрати и протеини, но и некои здрави масти и растителни влакна кои побавно се варат. Треба да консумирате храна што нема да остане во стомакот долго (т.е. здрави масти и растителни влакна) и нема да предизвика нагло покачување, а потоа и пад на енергијата (на пр. слатки или пијалоци со многу шеќер).
Овие примери на ужина ќе ви помогнат:
- пола банана или тост од цели зрна со една или две лажици путер од јаткасти плодови (кикирики, бадеми, лешници и слично)
- едно или две парчиња мали протеински палачинки со гореспомнатиот путер
- чаша јогурт со малку маснотии и лажица џем или ¼ чаша граноли
- ½ чаша суво овошје со посно сирење
Која варијанта и да ја изберете, никогаш не јадете премногу пред да трчате бидејќи може да се појави непријатност во стомакот или грчеви.