Пандемијата на коронавирусот трае подолго од година и половина, а веќе некое време експертите ширум светот даваат се од себе за им објаснат на луѓето зошто и колку е важна вакцинацијата против ковид.
И покрај тоа, и понатаму има луѓе кои не веруваат во ефикасноста на вакцината од различни причини, а Американката Хилари Дабс одлучи со статистички податоци да им се обрати на оние кои одбиваат да се вакцинираат.
„Уморна сум од аргументот дека 99% од луѓето кои се заразиле со корона се уште се живи, без разлика на тоа дали се вакцинирани или не. Да, може да се заразите иако сте вакцинирани, а знаете колкави се шансите тоа да се случи? Јас знам. Не сум медицински експерт, но добра сум со бројки“, вели таа во видеото.
„Во САД има 330 милиони луѓе, а ние имаме 41 милион заразени. Тоа ви дава шанса од еден спрема 8 да се заразите. Од 42 милион заразени, имавме само 670.000 смртни случаи. Тоа значи дека еден од 61 човек во САД починал. Еден од 61 човек во САД кој се заразил, починал“, истакнува таа.
Потоа наведува дека во САД се вакцинирани 173 милиони луѓе.
„Знаете ли колку од тие вакцинирани луѓе се заразиле до 30 август? Бројката е 12.908. Тоа ви дава шанса еден спрема 13.402 да се заразите ако сте вакцинирани. Еден спрема 13.402, а од друга страна е еден спрема осум“, додава таа.
Наведува и дека во САД починале 2.473 луѓе вакцинирани против ковид.
„Од нив, 480 починале од причина неповрзана со ковид“, вели Хилари, пресметувајќи дека шансите се еден спрема 86.500 некој целосно вакциниран во САД да почине од вирусот.
„Значи, вие невакцинираните, имате само еден спрема осум шанса да заболите од корона, еден спрема 61 ризик да умрете од ковид, додека оние целосно вакцинираните имаат шанса еден спрема 13.402 да се заразат и еден спрема 86.500 да починат од ковид“, заклучува да во видеото, луто порачувајќи дека мора да спречиме децата да останат без родители.
„Одете да се вакцинирате“, вели таа на крајот од видеото.
@hill_deeee Reply to @adam_stevens_artist ♬ original sound - Hillary