Според податоците на Светската здравствена организација, заразениот со коронавирус во просек ќе развие симптоми за 5 до 6 дена. Но, симптомите може да се појавуваат од првиот до 14 ден по инфекцијата, додека кај некои луѓе воопшто не се ни појавуваат.
Според истражувањата, ПЦР тестовите може да го откријат вирусот од првиот до третиот ден пред појава на симптоми, кога вирусното оптоварување е најголемо. По овој период, количината на вирусот во телото постепено се намалува сѐ додека повеќе не може да се открие со ПЦР тест.
Колку долго може да бидете позитивни на коронавирусот?
Некои луѓе може да останат со недели позитивни на вирусот, па дури и со месеци по инфекцијата. Колку долго зависи од тежината на случајот, но и од видот на тестирање.
ПЦР тестовите откриваат делови од вирусниот генетски материјал во телото кои се исклучително чувствителни на вирус, може да откријат присуство на неколку вирусни фрагменти. Причина за тоа е што фрагментите од вирусната РНА може да останат во телото долго откако инфекцијата ќе заврши и откако вирусот излегол од човечкиот организам.
Антиген тестовите или брзите тестови се помалку чувствителни и затоа е помала веројатноста да покажат позитивен резултат неколку дена по завршување на инфекцијата. Лицето позитивно и на ПЦР и на антиген тест и понатаму може да биде заразно. Тоа е така затоа што долготрајното постоење на вирусниот протеин значи дека вирусот се реплицира и произведува повеќе од својот основен материјал.
СЗО советува изолација 10 дена по појава на симптомите и дополнителни 3 дена изолација по престанување на симптомите.
