Ерогена зона е секој дел од телото кој реагира на допир така што чувствуваме сексуална возбуда, објаснува гинекологот и автор Шери А. Рос.
Таа вели дека женското тело не е ограничено на неколку ерогени зони, но целото тело може да биде ерогена зона.
„Мораме да се оддалечиме од идејата дека само гениталиите или поединечни делови на телото ни даваат пријатно чувство, ова сексуално искуство може да го одбиеме од различни делови на телото“, вели д-р Рос.
И сексологот Џил Мекдевит вели дека целото тело може да биде чувствително на сексуална стимулација, односно на допир, а тоа го потврдуваат и многу истражувања. Но, фактот дека целото може да биде ерогена зона не значи дека целото тело е ерогена зона за сите.
„Делови од телото кои сексуално се стимулираат и доведуваат до возбуда варираат од жена да жена бидејќи секоја жена има различно искуство со задоволството“, вели Мекдевит и напомнува дека затоа е важно добро да го запознаете вашето тело, а не да се водите со претпоставките кои може да важат за некој друг.
Ерогените зони исто така може да се менуваат со текот на годините, може да се случи допирањето на некои делови на телото да не доведе до возбуда, како што тоа било случај кога сме биле помлади. Така може да откриеме нови ерогени зони.
Значи, не постои еден точен договор на прашањето колку ерогени зони има женското тело, бидејќи за секого тоа е различно, пишува Health. Некој може да има една, а некој 100 ерогени зони.
Заклучокот е дека секој дел од телото треба да се истражува на поинаков начин. Истото, се разбира, важи и за мажите.
