Напаѓачот на Баерн Минхен Кингсли Конан ќе се појави пред суд по обвинение за домашно насилство по инцидентот со неговата поранешна девојка.
Јавното обвинителство соопшти дека 21-годишниот фудбалер бил уапсен и задржан во полиција завчера во предградие на Париз.
Коман, кој во април направи конечен трансфер од Јувентус во Баерн откако Германците платија 18 милиони фунти за неговиот потпис, го призна обвинението и ќе се изјасни за виновен кога ќе се појави пред суд по летната пауза.
Фудбалерот и неговата поранешна девојка наводно се расправале поради рекламен договор, а извор близок до случајот рече дека Коман самиот се јавил во полиција и го пријавил инцидентот.
„Кога стигнала полициската екипа, неговата поранешна девојка рекла дека ја удрил“, додаде изворот. Жената морала да отсуствува од работа поради повредата.