Навивачката група на најтрофејниот македонски фудбалски клуб се огласи апелирајќи на својот миленик да му биде дозволено да ги продолжи натпреварувањата и да добие лиценца за настап во Европа.
Сезоната во 1.МФЛ ќе продолжи, но Вардар дури и да стане шампион веројатно и ова лето ќе остане без евро настап. Минатата година поради долгови не доби лиценца за настап во фудбалска Европа, а како стојат работите тешко дека тоа сега ќе се промени.
Комитите се одѕваа преку својот Facebook профил каде преку соопштение бараат нивниот тим да не ја доживее истата судбина,
„Играме на најубав и најмодерен стадион на Балканот!
Тренираме на најубавиот и најмодерниот тренинг камп на Балканот!
Имаме најперспективни играчи и најлојални борци. Големи и квалитетни како луѓе, со срца планини! Нив ги предводи докажан вардарец и македонист, Маршал Генералисимус по ранк...
Имаме црвено-црна навивачка армија, која мотивирана може да го наполни Запад до врв! Имаме сѐ што треба за да ја претставиме Македонија во Европа во најдобро светло!
Дајте ни да играме, за да славиме титула!
Дајте ни да навиваме, за да се испразниме емотивно, но исполниме душевно!
Дајте ни лиценца, да нѐ види и чуе Европа!
За вас тоа е можеби малку и незначително, во реалноста тоа е нормално и задолжително, но за нас е воздухот кој го дишеме!
#ЦрвеноЦрниДоКоска #ЕденЖивотЕднаЉубов“, стои во објавата на комитите.
