Поради зголемувањето на цената нафтата, компаниите ExxonMobil, Chevron и Shell оствариле заработка од 46 милијарди долари во вториот квартал.
Еден од ретките сектори кој моментално се движи во нагорна линија е енергетиката. Енергетската криза тешко ја погоди Европа, но затоа компаниите вклучени во производството на нафта и природен гас, како што се Chevron и Exxon, апсолутно ја користат ситуацијата. Овие фирми пријавија рекордна заработка во вториот квартал од оваа 2022 година, односно за месеците јули, август и септември. Според аналитичарите, се очекува во наредните пет години овој сектор да порасне за 11%.
Пазарните услови за компаниите во овој сектор се одлични, и додека повеќето акции годинава паѓаат, акциите на Chevron пораснаа за 44%, додека на Exxon за неверојатни 69,8%.
Ембаргото воведено од ЕУ за руската нафта поради војната во Украина, покрај одлуките за намалување на увозот на руски природен гас, ѝ кумуваше на енергетската криза. ОПЕК+, на чело со Саудиска Арабија и Русија, на својот состанок од почетокот на месецов одлучи да го намали производството за два милиона барела дневно. Намалувањето предизвика изненадување на пазарот и го разлути американскиот претседател Џо Бајден, кој се надеваше на пониски цени на нафтата воочи изборите во првата половина на ноември.
Меѓутоа, овој потег ги одушеви енергетските компании кои имаат голема корист од цената на нафтата. ExxonMobil, Chevron и Shell оствариле 46 милијарди долари заработка во вториот квартал, па така овие три комапнии поставија нови рекорди кога станува збор за кварталната зарботка. Додека трговците се загрижени за рецесијата, никој не е загрижен за финансиската состојба на енергетските компании.
