Светската здравствена организација препорачува луѓето дневно да внесуваат помалку од 2 грама сол, додека Американското здружение за срце како горна граница постави употреба на 2,3 грама сол со препорака дека иделана колични е 1,5 грама. Но, најновата студија покажува дека солта не е толку штетна за здравите луѓе колку што се мисли.
Истражувањето е направено на Институтот за истражување на популацијата на Универзитетот Мек Мастер во Канада. Резултатите покажуваат дека умерениот внес на натриум може да има и заштитна улога, односно консумирањето сол во многу високи или ниски количини може да биде штетно. Докторот Ендру Мент вели дека нискиот внес на сол го снижува крвниот притисок, но и дека многу нискиот внес на натриум може да има сериозни здравствени последици како кардиоваскуларни болести.
Според докторката Дипак Гупта која не учествувала во истражувањето, студијата во фокус ја има зедницата, а не поединецот поради што резултатите од истражувањето не можат да се користат како мерило за секој човек посебно.
Студијата е објавена во The Lancet и во неа е наведено дека заедниците кои внесуваат повеќе калиум имаат низок степен на мозочен удар, кардиоваскуларни болести и низок степен на смртност. Овие резултати ги ставаат авторите во конфликт со бројни здравствени установи кои со години ги уверуваат луѓето да внесуваат помалку сол, односно натриум за да го снижат крвниот притисок или да го намалат ризикот од мозочен удар.