Голот со кој Манчестер Сити израмни на конечни 1:1 кај Реал во првиот полуфинален натпревар од Лигата на шампионите предизвика големи контроверзии и негодување кај играчите, тренерите и навивачите на Реал.
Се чудат зошто ВАР не се вклучи и не му сугерираше на судијата да го поништи голот.
Очигледно е дека пред голот на Кевин Де Брујне, неговиот соиграч Бернарду Силва ја испрати топката во аут, но потоа таа беше вратена преку линијата во поле. Тоа го потврди и снимка од преносот на телевизијата beIN, според која, топката излегла од игра пред оваа акција. Судијата Артур Диаш тогаш не досуди аут, па малку подоцна Де Брујне постигна гол откако играчот на Реал, Камавинга, ја загуби топката.
Со обработка на снимката од натпреварот, beIN дошол до заклучок дека топката е надвор и дека пред акцијата кон голот на Манчестер Сити требало да биде досуден аут. Сепак, судискиот експерт на Marca, Павел Фернандес, објасни зошто ВАР не требало да се вклучи:
Beinsports claim the ball went out before De Bruyne's goal
by u/independent-pigeon in soccer
„Бидејќи во акцијата за голот на Де Брујне, Реал ја зеде топката откако таа излезе во аут кој не беше досуден. Потоа ја загуби, односно Сити ја зеде и постигна гол од вториот напад. Значи, дојде до промена на поседот и други дејствија, па ВАР не можеше да се вклучи за настанот што се случи толку долго пред голот“.
УЕФА: Грешка на судијата на теренот, но не и на тој во видеособата
Eurosport пишува дека истото му го потврдиле и извори од УЕФА: „Бернарду Силва ја испрати топката надвор од теренот, но ВАР не смееше да се вмеша во голот на Де Брујне бидејќи веднаш по излезот на топката, ја освои Реал. Така дојде до промена на поседот и нови дејствија“.
Значи, станува збор за грешка на помошниот судија од таа страна, кој не сигнализираше дека е аут, но поради ова ВАР не може да вклучи уште една акција подоцна, односно при голот на Манчестер Сити.
