Повеќето луѓе обично имаат неколку килограми кои би сакале да ги изгубат, но проблемот е што многумина немаат ниту желба, ниту време за вежбање.
Овие неколку совети ќе ви помогнат лесно да ослабете без напорно вежбање.
„Отфрлете го типичниот тип на вежбање и одлучете се за некои од овие алтернативи“, вели фитнес тренерот Тим Лиу.
Шетајте каде сакате, колку сакате
Лиу препорачува да пешачите, шетањето е одличен начин да ги потрошите несаканите калории. Според клиниката Мајо, со 30 минути брзо одење може да согорите дополнителни 150 калории.
Колку побрзо се движите и колку повеќе чекори направите, толку повеќе калории ќе согорите.
Зголемете ја дневната активност
Обидете се секој ден да го зголемите движењето. Докажано е дека за одржување на тежината е потребно да бидете физички активни. Здравата активност го намалува ризикот од хронични состојби како дијабетес, мозочен удар, срцев удар, некои видови канцер и кардиоваскуларни болести. Исто така, ќе се намалат високиот крвен притисок, болките од артритис, анксиозноста, ризикот од остеопороза и друго.
Следете колку храна внесувате
Ако вашата цел е да ослабете без вежбање, тогаш следењето на внесената храна е многу корисно. Студија спроведена на Универзитетот Дјук покажа дека луѓето со прекумерна тежина кои го следеле дневното внесување храна со помош на апликации за паметни телефони значајно ја смалиле тежината.
