Актерката Кортни Кокс неодамна изјави дека Метју Пери ја „посетува“ и по неговата смрт.
Имено, по повод одбележувањето на 20-годишнината од последната епизода на серијата „Friends“, актерката гостуваше во емисијата „Sunday Morning“ на CBS, каде се присети на неодамна починатиот Пери.
„Многуу сум благодарна што можев да соработувам толку блиску со него толку многу години. Тој често ме посетува, ако можеме да веруваме во тоа. Разговарам со мајка ми, татко ми, Метју. Се чувствувам како да има многу од луѓето кои нè водат, се чувствувам како Метју да е тука“, рече Кокс.
Инаку, Кокс и Пери првично глумеа пријатели, а подоцна и партнери во серијата „Friends“, која се снимаше 10 години. Иако снимањето на „Friends“ заврши во 2004 година, целата екипа на серијата остана во добри односи. Затоа смртта на Метју Пери оставила трага во нивните животи.
Потсетуваме, Пери беше пронајден мртов во џакузито на неговиот дом во Лос Анџелес на 28 октомври минатата година. По повеќекратните неуспешни обиди да се откаже од дрогата, Пери во своите мемоари од 2022 година напиша дека конечно бил трезен.
Сепак, токсиколошките резултати објавени по неговата смрт покажаа дека тој никогаш не бил чист. Количината на кетамин што ја пронашле во неговото тело била слична на нивоата што се користат за анестезија на болничките пациенти.
