Интересна случка имаше во завршницата од неделниот натпревар во Кратово каде домаќините успеаја да извадат 0:0 со актуелниот македонски шампион.
Шкендија гостуваше во Кратово кај третопласираниот Силекс во рамките на 20. коло од македонската Прва лига, но не успеа да дојде до планираните 3 бода.
Гостите од Тетово напаѓаа, шутираа, но и покрај тоа, домашниот голман само неколку пати интервенираше бидејќи сите нивни удари буквално бегаа од голот.
Блокади, стативи, пречки, промашувања, но в гол - никако. Како магија да беше фрлена на голот на Силекс.
Што се случуваше во Кратово убаво го опишува 85. минута кога за кратко време Шкендија упати четири удари кон голот на Даниел Божиновски. Прво шутна капитенот Арменд Алими чиј удар го блокираше дефанзивецот Христијан Грозданоски; одбиената топка му се намести на Марјан Радески кој распали, но ја погоди стативата; топката се врати повторно кај него и овој пат нафрли во шестнаесетникот каде повторно се обиде Алими, овој пат со глава, но ја погоди пречката; од пречката топката дојде до Валмир Нафиу, убаво си ја смири на гради и со волеј не ја зафати убаво праќајќи ја крај стативата.
Целосен хајлајтс со сите утки од овој натпревар:
