Ако сте обожавател кој сака да ја изрази својата приврзаност кон хит серијата „Squid Game“, има добра вест за вас – постои криптовалута за тоа.
Squid, со кој во вторникот се тргуваше за околу 1 цент, во петокот достигна цена од 2, 34 долари што е скок од дваесет пати или 2.300 проценти.
Неговата пазарна капитализација или вкупниот обем на пазарот изнесува 184 милиони долари.
Дистописката серија, која раскажува приказна за група луѓе принудени за пари да играат смртоносни игри, стана вирална сензација.
Squid е она што е познато како „play to earn“ криптовалута, каде луѓето купуваат токени за да играат во онлајн игри каде може да заработат повеќе токени, а потоа тие може да ги заменат за други криптовалути.
Во случајот на Squid, многу купувачи ќе бидат играчи кои сакаат да бидат во програма на онлајн игра, која почнува во ноември.
Колку повеќе луѓе се придружат, толку повеќе ќе биде поголем фондот за наградата“, се наведува во соопштението на платформата.
„Оваа криптовалута се придружува на долгата и растечка листа на дигитални пари и токени кои се поврзуваат со случајни мемиња или културни феномени, а интересно е што многу вакви парички брзо привлекуваат инвеститори што доведува до диво „дување“ на вредноста. Наивни малопродажни инвеститори кои ќе бидат фатени во такви шпекулативни лудила се соочуваат со ризик од значајни губитоци“, вели економистот Есвар Прасад за BBC.
Play to earn „игрите за заработка“ станаа многу повеќе популарни во текот на пандемијата бидејќи се поттикна развојот на технолошки сектор кој комбинира забава со вистински алатки за заработка на пари.