Славниот фудбалер Кристијано Роналдо води смета за својот физички изглед, а на 36 години Португалецот изгледа многу подобро од претходно. За тоа придонесоа различните естетски третмани и козметики, а сега фудбалерот одлучи да почне и бизнис поврзан со тоа.
Според пишувањето на Mirror, Роналдо има намера да покрене сопствен бренд на производи за нега на кожата и одржување на тенот.
Португалецот во новиот бренд Cristiano Ronaldo Origins во продажба ќе стави сапуни и шминка кои многу брзо би требало да се најдат на пазарот. Во проектот е вклучена и клиниката Insparyi, специјализирана за трансплантација на коса, која ја отвори минатата година во Мадрид.
Не е тајна дека Роналдо многу се грижи за изгледот, во документарецот на Amazon, „All or Nothing: Juventus“, откри дел од тајните за неговата одлична физичка форма.
„Јас сум си свој доктор, свој ментален тренер и нутриционист. Ако ги правите вистинските работи, ќе бидете подобри од другите“, изјави Роналдо, кој откри дека дневно се сонча по половина час и тоа му годи на телото.