Легендарниот хрватски кошаркар Тони Кукоч не го дели одушевувањето што владее меѓу фановите на Чикаго Булс и Мајкл Џордан, по објавувањето на првите две епизоди од документарната серија „The Last Dance“.
Тој воопшто не е задоволен од начинот на кој е прикажан тогашниот генерален менаџер на Булс Џери Краус, па во разговор за NBC изјави дека се надева дека понатаму серијата ќе се занимава со она на кое е посветена.
„Се надевам дека следните епизоди ќе бидат повеќе ориентирани на славење на кошарката, а не мерење вина и зошто не се освоиле осум или десет титули. Кога се случуваше целото тоа сите беа среќни, така што не знам зошто се сега сите толку налутени. Во тие три години додека ме убедуваше да дојдам, постојано повторуваше: ‘Мораш да дојдеш, немаш поим колку добар тренер имаме и какви играчи.’ За нас зборуваше со толкаво уживање. Ме тераше да замислам како би било да играм со Џордан на едната до мене и Пипен на другата. Никогаш не рече: ‘Јас го направив овој тим.’ Секогаш зборуваше само за тоа дека Булс се одлична организација“, изјави Кукоч, кој дојде во клубот во 1993 година и остана до 2000.
Кукоч потоа додаде дека Краус и да би бил жив немало да има причина да се брани.
„Тој веќе не е тука, ама не ни сакам да кажам дека нема шанса да се одбрани. Сметам дека нема причина да се брани. Беше генерален менаџер на тим кој освои шест титули. Набројте ми пет луѓе кои го направиле тоа, во кој било спорт“, додаде легендарниот Хрват.
Серијата почна да се емитува на 19 април, а последната епизода е закажана за 18 мај.