Лично претседателот Лотито инсистирал Лацио да не прифати натпреварот да се игра ден порано за Аталанта да има ден плус одмор пред реваншот од Лигата на шампионите.
Дерби пресметката помеѓу Аталанта и Лацио е закажана за наредната сабота од 18 часот, а бергамашите доставија барање до Серија А истата да биде преместена во петок навечер. Причината е што Аталанта во вторник (10 март) има гостување кај Валенсија, односно осминафинален реванш во Лигата на шампионите.
Од редовите на Аталанта се многу разочарани од потегот на Лацио. На римјаните ништо немаше да им смени преместувањето за ден порано со оглед на тоа што тие нивниот последен натпревар ќе го имаат ова асабота против Болоња. Но, на Аталанта ќе ѝ сменеше и тоа како бидејќи ќе имаше ден плус одмор за да се подготви за Валенсија.
Лацијалите веројатно играат на таа карта дека Аталанта ќе игра позервирано и ќе се чува за Валенсија немајќи доволно простор за одмор.
Инаку, без разлика на денот, постои голема веројатност натпреварот да се игра без публика на стадионот „Атлети Аѕури д'Италија“ во Бергамо поради безбедносните мерки заради ширењето на корона вирусот во Италија. За претстојниов викенд веќе е издадена наредна за играње зад затворени врати, доколку ситуацијата продолжи да ескалира тоа ќе биде случај и за понаредниот викенд.
