Третопласираниот тим во Бундеслигата и учесник во осминафиналето во Лигата на шампионите, Лајпциг, го обновил интересот за македонскиот репрезентативец, Елиф Елмас (24), тврди Corriere dello Sport.
Corriere dello Sport пишува дека Лајпциг ќе испрати понуда до Наполи во зимскиот преоден рок. Според овој извор понудата ќе биде 20+5 милиони евра, односно фиксната сума ќе изнесува 20 милиони евра, а Наполи, доколку ја прифати понудата ќе може да добие дополнителни 5 милиони евра преку бонусите кои ќе бидат вметнати во договорот.
Елмас сезонава во Серија А одигра 11 натпревари, постигна 2 гола. Неговиот договор со Наполи истекува на 30 јуни 2025 година.
Вредноста на Елмас според Transfermarkt изнесува 26 милиони евра.
