Рускиот министер за надворешни работи Сергеј Лавров ги коментираше изјавите дека претседателот на САД Доналд Трамп му дал класифицирани информации.
На прес-конференцијата по состанокот со кипарскиот колега Јанис Касулидес Лавров рече дека работата на американските медиуми потсетува на популарниот виц од времето на Советскиот Сојуз.
„Во Советскиот Сојуз имаше шега дека постои весник Правда (вистина) во кој нема вести и весник Известија (вести), во кој нема вистина. Се добива впечаток дека голем дел од американските медиуми работат по овој принцип “, рече Лавров.
Во понеделникот, весникот „Вашингтон пост”, повикувајќи се на неименувани извори, напиша дека Трамп му дал на рускиот министер информации кои ставија во опасност „важни разузнавачки извори”.
