Леброн Џејмс стана само третиот играч во историјата на НБА лигата што ја минал границата од 35.000 постигнати поени.
Во синоќешниот пораз од Бруклин, Леброн постигна 32 поени и со тоа стигна до 35.017 поени во најсилната кошаркарска лига на светот.
Пред него на вечната листа се само двајца великани - Карл Мелоун (36.928) и Карим Абдул Џабар (38.387).
Доколку продолжи да игра на ова ниво и ако остане здрав, Леброн би можел да го престигне Мелоун следната сезона, додека за титулата најдобар стрелец во историјата, ќе му требаат уште две сезони со 25 поени во просек.
