Во текот на ноќта во НБА лигата се одиграа четири натпревари во кои победи забележаа Милвоки, Орландо, Атланта и Бруклин.
Милвоки Бакс го совлада Лос Анџелес Лејкерс среде Лос Анџелес со 115:106.
Откако на последниот натпревар испиша историја и стана најдобар стрелец во историјата на НБА, Леброн Џејмс одмораше на натпреварот против Бакс и од клупата за резерви гледаше како неговиот тим губи.
Милвоки славеше благодарение на маестралниот Јанис Адетокунбо, кој постигна 38 поени со 10 скока и 6 асистенции, додека на другата страна Денис Шредер постигна 25 поени со 12 асистенции.
Денвер Нагетс беше поразен во Орландо со 115:104 и покрај одличната игра на Никола Јокиќ. Српскиот центар постигна 29 поени со 12 скока и 6 асистенции, а кај соиграчите единствениот расположен беше Арон Гордон кој постигна 37 поени со 13 асистенции.
Во редовите на Орландо дури седум играчи имаа двоцифрен учинок, а најмногу постигна Вендел Картер Џуниор. (19).
На преостанатите две средби Бруклин Нетс го совлада Чикаго Булс со 116:105, додека Атланта Хокс го победи Феникс Санс со 116:107.
Табела:
