Здравје

Лек од природата: Зошто треба да употребувате прополис?

19. ноември 2019 - 11:36 | Б.С.Б.

Истражувањата потврдуваат дека во природата постојат многу производи со антибиотско дејство, а еден од нив е и прополисот, совршена намирница која го храни и лекува човечкото тело.

Прополисот е заедничкото име за смеса од смолести супстанци кои пчелите ги собираат од цветовите на различни билки, ензимски го модифицираат така што најважните супстанци, флавонидите стануваат активни материи.

Прополисот има специфичен изглед, уникатен горчлив вкус, карактеристичен и ароматичен мирис. Неговиот состав и бојата зависи од растителните видови од кои пчелите го собираат материјалот и од годишното време.

Во медицината традиционално се користи повеќе од 2.000 години за што сведочат бројни историски записи во кои може да се најдат податоци дека прополисот како лек го користеле Египќаните, Вавилонците, Арапите, Грците, Римјаните и други стари народи.

Кое е лековитото делување на прополисот?

Прополисот содржи 50% смола, 30% восок, 10% етерични масла, 5% цветен прав, многу витамини и минерали, органски киселини, полифеноли, флавониди. Овој лек на природата убива сè што му смета на здравиот организам, а истовремено го чува здравото ткиво и го лечи заболеното.

Бројни истражувања покажуваат дека е природен анестетик, антиоксидант, антисептик, антибиотик, дека делува против повеќето вируси вклучувајќи го и вирусот на грипот. Одличен е во борбата против паразити и габични инфекции.

Прополисот стимулира создавање на нови клетки и регенерација на оштетеното ткиво. Помага и во случаи на тешка дијареја, кога другите лекови се беспомошни. Помага во нормализацијата на метаболизмот и имунитетот.

Помага при забоболка, парадентоза, непријатен здив, хемороиди, воспалени мочни канали и гастритис.

Како силен антиоксидант ефективно делува против слободните радикали кои се сметаат за причинители на многу болести. Најновите истражувања покажуваат дека прополисот го подобрува имунолошкиот систем и дека има антиканцероген ефект.

Коментирај