Каваи Ленард со 30 поени беше најзаслужен за новата победа на Лос Анџелес Клиперс, додека Голден Стејт Вориорс се израдува на првата сезонска победа совладувајќи го Њу Орлеанс.
Со 30 поени, 6 асистенции и 7 скокови Каваи Ленард беше најдобар поединец на натпреварот меѓу неговиот Лос Анџелес Клиперс и гостинот Шарлот Хорнетс. И во четвртиот натпревар Клиперси ја надминаа границата од 100 поени, а ноќеска ефикасни беа и Лу Вилијамс со 23 и Монтрез Харел со 19.
Шампионот од 2018, 2017 и 2015, Голден Стејт Вориорс, конечно во третиот натпревар успеа да ја забележи првата победа. Капитенот Стивен Кари постигна 26, Д'Анџело Расел 24, додека 23 поени забележа Демион Ли. Сепак, најефикасен на натпреварот беше играчот на поразените Пеликанс, Брендон Инграм со 27.
Резултати:
Детроит Пистонс – Индијана Пејсерс 96:94
Њујорк Никс – Чикаго Булс 105:98
Атланта Хокс – Филаделфија 76-ерс 103:105
Торонто Репторс – Орландо Меџик 104:95
Хјустон Рокитс – Оклахома Сити Тандер 116:112
Милвоки Бакс – Кливленд Кавалирс 129:112
Њу Орлеанс Пеликанс – Голден Стејт Вориорс 123:134
Сан Атонио Спарс – Портланд Треил Блејзерс 113:110
Феникс Санс – Јута Џез 95:96
Сакраменто Кингс – Денвер Нагетс 94:101
Лос Анџелес Клиперс – Шарлот Хорнетс 111:96
