Полскиот напаѓач Роберт Левандовски се приклучи на Барселона, а денеска ја даде својата прва изјава како играч на каталонскиот гигант.
Левандовски по долгата „борба“ со Баерн стана играч на Барселона и е мотивиран да му донесе успех на клубот.
„Многу сум среќен што сум тука, одлуката да се преселам во Барселона не беше тешка. Барселона се враќа, мислам дека можам да му помогнам на тимот да се врати на врвот на европскиот фудбал. Сакам да освојувам трофеи, а ова е ново поглавје за мене со нови предизвици. Ова е прилика за мене и на личен план, отсекогаш сакав да играм во Ла Лига за голем клуб. Веќе разговарав со Чави и ги знам неговите идеи. Тој беше одличен играч и го чека добра иднина како тренер“, изјави Левандовски.
Барселона сега мора да ги обезбеди финансиските услови за потпишување на новиот напаѓач, како и други засилувања како Рафиња, Андреас Кристенсен и Франк Кесие.