Деновиве во јавоста излезе информација дека собраниската Комисија за прашања на изборите и именувањата, до сега, на најмалку 29 пратеници од минатиот парламентарен состав им одобрила да земаат апанажа во траење од една година, која е во висина на платата на пратениците, а истата ја исплаќа Собранието.
![](/sites/default/files/styles/article_image_xxl/public/2022-11/%D1%81%D0%BE%D0%B1%D1%80%D0%B0%D0%BD%D0%B8%D0%B5-45%D0%B3%D0%B36645%D1%95%D1%8565.jpg?itok=0TO9rVcC)
„Само досега потврдените апанажи на поранешните пратеници ќе ја чинат државната каса над 600.000 евра. Велиме досега, бидејќи рокот за поднесување на барања за апанажа трае до 28 јуни, а право на апликација имаат вкупно 57 пратеници од минатиот состав“, објави Левица.
„Покрај енормно високите плати, надоместоците за патни трошоци, бифето кое служи по набавни цени и многу други привилегии, правото на апанажа претставува уште еден доказ дека пратениците се најпривилегираните работници во државава. Наспроти нив, обичниот работник одвај врзува крај со крај и не му се почитуваат и оние малку права кои му се законски загарантирани“, додава партијата која се залага за правата на работниците.
На седницата на Комисијата за прашања на изборите и именувањата само еден грас беше против апанажата, а тоа беше оној на Борислав КЛрмов токму од Левица.
„Ја потсетуваме јавноста дека на седницата на Комисијата за прашања на изборите и именувањата единствено пратеникот на Левица, Борислав Крмов, гласаше против доделување на апанажите“.
„Исто така, Левица уште во 2022 година поднесе закон за укинување на апанажата за избраните и именуваните функционери како и предлог-закон за воведување на апанажа за работниците. И двата закона кои беа експресно одбиени од страна на широката буржујска коалиција СДС-ДУИ-ДПМНЕ-ВЛЕН“, потсетува оваа партија.