Германскиот таблоид „Билд“ ја пренесе веста дека Бибијана Штајнхаус веројатно ќе биде првата жена судија во Лига на шампиони за фудбалери од сезоната 2019/2020.
Бибијана веќе суди натпревари во првата германска лига од оваа сезона, а според правилата на УЕФА, судиите и судијките можат да судат и во меѓународни натпреварувања, само ако во последните две години суделе во највисоката национална лига.
На тој начин, таа може да стане првата жена која успеала во такво нешто.
Во Лигата на шампионите досега имаше само една жена судијка од Грција, но таа беше само линиски судија, додека Штајнхнаус би била првата жена главен судија.
Штајхнаус не сакаше да даде никаков коментар на овие шпекулации, кратко порачувајќи: „Не смеам и не можам тоа да го коментирам“.
