Лондон, 4 септември 2018 (МИА) – Во основно училиште во Лондон изби пожар, и засега нема информации за повредени, јави Би-Би-Си.
Лондонската противпожарна служба соопшти дека 12 возила и 80 пожарникари се испратени во источниот дел од Лондон каде се наоѓа школото. Пожарот го зафатил училиштето Родинг во Дегенхам.
Околу половина од училишната зграда е запалена, а причината за пожарот се уште не е позната.
Учениците од основното училиште Родинг требаше да се вратат во клупите на 5 септември по летните одмори.
