Луѓето кои страдаат од одредени здравствени проблеми треба да избегнуваат да јадат бифтек.
Доктор Мајк Бол за магазинот Eat This, Not That изјави дека овој вид месо не е за секого. Ако имате дисфункција на дебелото црево, прескокнете да јадете бифтек.
„Иако повеќето намирници е добро да се консумираат во умерени количини, бифтекот може да има негативен ефект врз луѓето со чувствителен стомак. Тоа е затоа што гастроинтестиналните проблеми го отежнуваат варењето на црвеното месо“, додаде тој.
Секако, треба да го избегнуваат и оние кои имаат алергиска реакција на црвено месо. Синдромот Алфа-гал, кој беше откриен пред само неколку години, се дефинира како алергија на производи направени од месо од цицачи, а особено на парчиња црвено месо. Симптоми на оваа алергија се: чешање, лупење на кожата, течење на носот, главоболка, болки во стомакот, дијареа, повраќање и отекување на усните, јазикот и грлото.
Луѓето кои боледуваат од дијабетес треба да избегнуваат да јадат бифтеци бидејќи содржат голема количина на заситени масти, кои го акумулираат ЛДЛ холестеролот и го зголемуваат крвниот притисок.
„Луѓето со дијабетес имаат зголемен ризик од срцеви заболувања, така што избегнувањето на јадење бифтек спречува дополнително зголемување на споменатиот ризик“, рече тој.
Ако во вашето семејство има историја на рак на дебелото црево, не јадете бифтеци. Според американскиот институт за истражување на ракот, постојат одредени соединенија во бифтекот и другото црвено месо кои можат да го предизвикаат споменатиот вид на рак.
