Еден од најголемите боксери на сите времиња, најмладиот светски првак во тешка категорија, Мајк Тајсон, во интервју за ЕСПН, откри долго чувана и страшна тајна.
Познато е дека контроверзниот светски првак во тешка категорија како дете растел во голема сиромаштија, дека таткото го напуштил семејството додека тој бил дете и дека мајка му и сестра му починале кога тој имал 16 години.
Но, никој не знаел дека Тајсон бил сексуално малтретиран како дете.
„Бев дете. Тој беше возрасен. Ме тепаше и сексуално ме малтретираше. Никогаш потоа не го видов“, рекол Тајсон во интервјуто за ЕСПН.
По шокантното откритие, новинарот го прашал дали некому кажал за овој случај. Целосно скршениот Тајсон најпрвин молчел, а потоа одговорил со прашање: „Зошто сѐ уште сме на оваа тема сексуално малтретирање?“
Челичниот Мајк потоа рекол дека сексуалното малтретирање немало влијание во неговиот понатамошен живот, односно дека боксот му помогнал да го надмине тоа.
„Секако дека гневот го носев во себе, но повеќе никој нема да ме допре“, завршил Тајсон.
