Фудбалскиот клуб Македонија Ѓорче Петров денеска соопшти дека има двајца фудбалери позитивни на коронавирус.
– Им посакуваме побрзо враќање на тренинзи на нашите два играчи позитивни на COVID-19. Играчите се дома и во добра состојба и истите немаа никакви симптоми изминативе денови, споделија од клубот.
Македонија ЃП ги откажа пријателските натпревари со Работнички и Академија Пандев до следната недела кога ќе се спроведе повторно тестирање на целата екипа за да се потврди дека сите се негативни.
– Сакаме да покажеме одговорност и пример како треба сите клубови да се однесуваме во време на пандемија! Апелираме до сите клубови да не играат натпревари без тестирање, се додава во соопштението.
