Чешката тенисерка Сара Бејлек (16) конечно се огласи и го објасни видеото кое предизвика многу полемики откако се рашири на социјалните мрежи, при што нејзиниот татко ја тапка по задникот и ја бакнува в уста.
Бејлек, која годинава дебитираше во главната жрепка на УС опен, по победата во квалификациите за последниот Грен слем турнир во сезоната емотивно прослави со својот татко.
Видеото од прославата брзо се прошири на социјалните мрежи, а многумина негативно ги коментираа допирите и бакнежите на таткото. Чехинката ја објасни ситуацијата и рече дека тоа е нормално во нејзината земја.
Покрај нејзиниот татко Јарослав Бејлек, ја допре и нејзиниот тренер Јакоб Кахун. Таа го објасни сето тоа.
„Секако дека го видов видеото. Тој ми е татко и секогаш ќе биде. Од друга страна, тренерот го познавам од мојата осумгодишна возраст. Тој ми става ленти на телото и ме масира. Да се случеше ова во Чешка, никој ништо немаше да каже. Но, бидејќи сме во Америка, сите коментираат. Сепак, тоа нема да се повтори“, изјави младата тенисерка.
Сепак, приказната на УС опен за младата Чехинка беше краткотрајна бидејќи беше поразена во два сета од Русинката Људмила Самсонова (6:1 и 6:3).
