Португалскиот фудбалер Кристијано Роналдо од 1 јануари 2023 година ќе биде играч на Ал-Наср од Саудиска Арабија, пишува Marca.
Роналдо наводно договорил соработка со Ал-Наср две и пол години и со тоа дефинитивно би го напуштил европскиот фудбал. Неговата камбек епизода во Манчестер Јунајтед заврши неславно непосредно пред почетокот на Светското првенство во Катар каде што настапува за Португалија.
И покрај информациите дека има понуди од клубови кои играат во Лигата на шампионите, Ал-Наср сепак се покажа најупорен. Роналдо се надеваше дека ќе остане во европскиот фудбал, но саудискиот клуб понудил договор со вкупна вредност од близу 200 милиони евра по сезона.
Аргентинецот Лионел Меси и Бразилецот Нејмар, кои се соиграчи во ПСЖ, заработуваат 75, односно 70 милиони евра. Иако и спортистите во САД заработуваат многу, дури и најплатените ќе бидат зад Португалецот.
Така Роналдо ќе ја напушти големата фудбалска сцена и полека ќе се движи кон крајот на својата блескава кариера, но со голем хонорар.