Лука Модриќ е еден од играчите кои се најзаслужни што Реал спречи големо изненадување во 22. коло од Ла Лига.
До 82. минута на Бернабеу, Елче водеше со 2:0, 15-ти на табелата и со 27 бода помалку од водечкиот Реал. Севиља, најсериозниот кандидат за титулата, се чинеше дека се доближи на само три бода зад лидерот. Сепак, потоа по ВАР проверката, судијата Де Бургос досуди пенал за домаќините.
Лука Модриќ сигурно го претвори во гол и така го започна враќањето на Реал, кое заврши во голот на Едер Милитао со гол за 2:2. Модриќ го одигра целиот натпревар, а најчитаниот шпански весник Marca ја пофали играта на легендата на Реал. Модриќ има 36 години и пет месеци.
„Идолот на Бернабеу доживува втора младост, која се чини дека е подобра од првата. Модриќ не само што се појави на натпреварот, туку правеше сѐ, а неговиот тим одлично го почувствува тоа; ја земаше топката за да креира игра, се бореше, беше прв стрелец, реализираше пенал за 1:2... На Реал очајно му требаат повеќе партии како неговата“, пишува Marca.
