Француското чудо е импресиониран од „Црвените“ на Јирген Клоп кои според него прекинатава сезона ја одиграле како машинерија.
Она што порано го велеа за германската репрезентација, сега го велат за Ливерпул. А штом такви зборови доаѓаат од вонсериски играч како Килјан Мбапе, тогаш мора да е навистина така.
„Сезонава Ливерпул беа како машина во Премиер лигата. Тие направија победувањето да изгледа едноставно, но вистината е дека тоа никогаш не е лесно. Натпревари какви што тие играа не се остваруваат туку така“, вели Мбапе за Тhe Mirror.
Францускиот репрезентативец беше запрашан да даде негово мислење за лидерот на Премиер лигата, а тој имаше само пофални зборови.
„За да се биде толку немилосрден колку што беа тие потребна е многу напорна работа за време на тренинзите како и да се има многу добар тренер“, смета Килјан.
Ливерпул сезонава доминираше во Англија и да не беше прекинот веќе одамна ќе ја прославеше титулата, прва по точно 30 години.
