Најскапиот мед во светот потекнува од пештера којашто се наоѓа на надморска висина од 2.450 метри. Неговата боја е темна, додека вкусот е горчливо сладок. Медот е богат со лековити состојки.
Постои уште една причина зошто медот е толку скап, се собира само еднаш годишно, за да не се вознемируваат пчелите кои го прават. Содржи магнезиум, цинк, феноли, флавоноиди и антиоксиданси.
Пчелите го произведуваат од лековити билки кои никнуваат околу пештерата. Кога ќе се собере доволно мед, примероците се испраќаат во турскиот Научен институт поради верификација и подетални анализи на квалитетот.
Потврдувајќи го Гинисовиот рекорд, компанијата Centauri Honey објави видео на Instagram.
Новата тура од медот ќе биде подготвена за купување до крајот на октомври годинава, а нарачките веќе пристигнуваат.