Заменик-претседателот на рускиот Совет за безбедност, Дмитриј Медведев, денеска изјави дека би било грешка доколку Израел ѝ испорача оружје на Украина.
„Изгледа дека Израел одлучи да му доставува оружје на режимот во Киев. Тоа би била многу непромислена одлука, бидејќи ќе им наштети на сите меѓудржавни односи меѓу нашите земји“, напиша Медведев на својот канал на Telegram.
Тој рече дека тогаш Израел може и да ги признае Стјепан Бандера и Роман Шухевич како свои херои. Бандера беше водач на Организацијата на украинските националисти (ОУН), а Шукевич на Украинската бунтовничка армија (УПА). Двете организации се забранети во Русија поради нацизам.
Во неделата, израелскиот министер за дијаспора Нахман Шаи рече дека неговата земја треба да го следи водството на САД и нивните сојузници во НАТО и да започне со воена помош за Украина.