Во тек се подготовките за реализацијата на големиот меѓународен ликовен проект: 1. Меѓународно биенале на минијатурни графики и цртежи – Битола 2023.
Со околу 500 дела од скоро 400 автори од приближно 80 држави од целиот свет, изложбата ќе биде отворена на 15 ноември во КИЦ Битола (офицерски дом).
Ќе биде поставена во Алтернативната галерија - Свечената сала и Галерија Исток.
Според бројот на пријавените автори и држави ова е најголема ликовна манифестација во Македонија за 2023 година, а и пошироко.
Со присуството на истакнати автори од целиот свет, првото меѓународно биенале на минијатурни графики и цртежи ИБМБ Битола 2023 е веќе позиционирано со сите параметри во најзначајните ликовни меѓународни манифестации од ваков вид во светот.
Пропратни збиднувања: Специјални оддели на кинеската, италијанската и канадската минијатурна графика и цртеж, како и омаж за графичкото творештвото на Хосе Вујтс и Франс де Хроот, од Холандија, со специјално испратени дела за свеченото отварање.
Организатор на Меѓународното биенале на минијатурни графики и цртежи – Битола е Владо Ѓорески, графички уметник, кустос и ликовен критичар, во соработка со Културно и информативен центар Битола.
Изложбата е поддржана од Министерството за култура и Општина Битола.