Белгискиот офанзивец сака да остане во Наполи и покрај проблемите со кои се соочува клубот од Кампанија.
Дрис Мертенс ја одби понудата на Борусија за преселба во Дортмунд во јануари. Сака да остане во Наполи иако преговорите за продолжување ан договорот се заглавени. Од управат на германскиот клуб стапиле во контакт со играчот кој јасно им ставил дознаење дека нема намера да оди во Германија, па затоа Борусија воопшто нема ни да се мачи да доставува понуда до Де Лаурентис.
Белгиецот има договор со клубот од Неапол до лето, а Аурелио Де Лаурентис досега му понуди продолжување на две години, но без промена на платата. Тоа значи дека Мертенс би останал на платата од 4 милиони евра по сезона.
За продолжување на договорот инсистира и новиот тренер Џенаро Гатузо. Тој го смета Мертенс за витален дел од тимот, а заедно со него сака да го има на располагање и Хосе Каљехон, уште еден играч чиј договор истекува во јуни.
Наполи сезонава бележи очајни резултати во Италија, а неодамна се раздели со тренерот Карло Анчелоти. Позитивно е само тоа што се пласира во осминафиналето од Лигата на шампиони.
