На граничните премини денеска е намалена фреквенцијата на возила и за влез и за излез од Македонија се чека не подолго од половина час, соопшти АМСМ.
Од таму информираат дека сообраќајот на државните патишта се одвива по суви коловози.
Интензитетот на сообраќај на патните правци надвор од градските средини е зголемен.
На граничните премини нема задржувања подолги од триесетина минути за влез и за излез од државата. Оваа информација се однесува за македонската страна на премините.
На Богородица и на граничниот премин кај Дојран за излез од Македонија се чека околу половина час. На Меџитлија, Деве Баир, Ќафасан, Делчево, Ново Село, Блаце и Табановце времето на чекање е минимално, информира АМСМ.
